Rice tryggði Arsenal sigurinn á Luton í dramatískum leik fyrr í þessari viku. Hann er búinn að vera frábær á tímabilinu fyrir Arsenal sem er á toppi ensku úrvalsdeildarinnar.

Arsenal keypti Rice fyrir 105 milljónir punda síðasta sumar en stuðningsmenn Arsenal hafa núna ákveðið að stofna síðu til að safna enn meiri pening fyrir West Ham.

Þetta er GoFundMe áheitasíða en þar biðja stuðningsmenn Arsenal um 25 milljónir punda til viðbótar fyrir West Ham.

„Í ljósi hins óheppilega ráns á West Ham, þá biðjum við stuðningsmenn Arsenal að koma saman til að safna fé fyrir West Ham til að bæta upp fyrir vangreiðslu á Declan Rice," segir í umsögn á síðunni.

Rice er enn dýrasti fótboltamaður sögunnar en stuðningsmenn Arsenal vilja borga enn meira fyrir hann.