Erling Haaland gekk til liðs við Manchester City frá Dortmund í sumar en hann hefur byrjað af krafti í enska boltanum.
Hann er með 10 mörk í fyrstu sex leikjunum í deildinni, þá skoraði hann tvö mörk í 4-0 sigri liðsins á Sevilla í fyrstu umferð riðlakeppni Meistaradeildarinnar í vikunni.
Hann er mjög ánægður að spila undir stjórn Pep Guardiola.
„Hann er fótboltasjúkur eins og ég. Við elskum báðir fótbolta, hann var leikmaður og er nú stjóri. Hann dýrkar fótbolta og ég hef gaman af því, því hann hugsar um allt sem tengist fótbolta og hvernig við getum gert hlutina betur," sagði Haaland.
Athugasemdir