Grealish tryggði sigurinn.

Mynd: EPA

Everton að standa sig frábærlega.

Mynd: Getty Images

Jimenez.

Mynd: Getty Images

Englandsmeistararnir lentu í kröppum dansi með nýliðana í Luton en Elijah Adebayo stangaði Luton í forystu undir lok fyrri hálfleiksins. 

Gestirnir komu til baka í síðari hálfleiknum og skoruðu tvö mörk á þriggja mínútna kafla. Það gerðu þeir Bernardo Silva með góðu skoti í fjærhornið og svo Jack Grealish eftir undirbúning frá Julian Alvarez.

1-2 sigur City staðreynd en liðið hafði ekki unnið í fjórum deildarleikjum í röð. Everton tók þá á móti Chelsea og vann nokkuð þægilegan 2-0 sigur. Everton hefur verið á frábæru róli upp á síðkastið en ekki er hægt að segja sömu sögu um Chelsea.

Þá skoraði Fulham fimm mörk og hreinlega niðurlægði David Moyes og lærisveina hans í West Ham. Frábær sigur hjá Fulham og svo virðist sem að Raul Jimenez sé kominn í gang í markaskoruninni. Þetta er annar leikurinn í röð sem Fulham vinnur 5-0.

Luton 1 - 2 Manchester City
1-0 Elijah Adebayo ('45 )
1-1 Bernardo Silva ('62 )
1-2 Jack Grealish ('65 )

Everton 1 - 0 Chelsea
1-0 Abdoulaye Doucoure ('54 )
2-0 Lewis Dobbin ('90)

Fulham 5 - 0 West Ham
1-0 Raul Jimenez ('22 )
2-0 Willian ('31 )
3-0 Tosin Adarabioyo ('41 )
4-0 Harry Wilson ('60 )
5-0 Vinicius ('89)