Brynjar Björn Gunnarsson
Brynjar Björn Gunnarsson, þjálfari HK, var svekktur eftir 3-0 tapið gegn Víkingi R. í Pepsi Max-deild karla í dag en hann segir þó að þetta sé enn í þeirra höndum.
Lestu um leikinn: Víkingur R. 3 - 0 HK
Nikolaj Hansen kom heimamönnum yfir á 36. mínútu með skalla en HK-ingar komu öflugir inn í síðari hálfleikinn og sköpuðu mikla hættu.
Andinn datt þó úr liðinu eftir annað markið sem kom upp úr engu.
„Svekktur með úrslitin og kannski frammistöðuna að einhverju leiti. Við ákváðum að leggja minni áherslu sóknarlega og verjast betur og ég taldi okkur geta gert það en fáum fyrsta markið eftir fyrstu almennilega crossinu inn í teig og það kemur mark upp úr því sem var svekkjandi."
„Frammistaðan var ekki alveg nóg góð bara."
HK fór yfir í þriggja manna vörn í dag vegna leikbanna en hann segir það ekki hafa skipt öllu máli.
„Það var meira vegna leikbanna. Bæði Stebbi og Birkir voru frá í dag og töldum okkur geta leyst það með þriggja manna vörn og gefið okkur vægi varnarlega en líka möguleika sóknarlega. Það gekk ekki upp í dag. Kerfið sem þú spilar skiptir ekki öllu máli, við þurftum betri frammistöðu frá fleiri leikmönnum í dag."
„Við reynum að ýta okkur í gang og stigum framar og settum Víkinga undir meiri pressu. Þá gáfum við okkur horn og aukaspyrnur á hættulegum stöðum sem við fengum möguleika upp úr en þegar við vorum búnir að vera framarlega á vellinum fáum við mark í bakið upp úr engu sem við leggjum upp fyrir þá og þá var þessi andi sleginn úr okkur."
HK-ingar eru í 10. sæti með 17 stig þegar tvær umferðir eru eftir en liðið mætir Stjörnunni í næsta leik.
„Við erum enn réttu megin við strikið sem þýðir að þetta er í okkar höndum. Við eigum heimaleik á móti Stjörnunni næst og það er verðugt verkefni sem verður skemmtilegt að takast á við," sagði Brynjar Björn í lokin.
Athugasemdir
