Myndir: Áhorfendur hlupu til Ronaldo - „Hvað er þetta Óskar Örn í KR?"

Cristiano Ronaldo skoraði sitt 128. mark í Meistaradeildinni, hann er nú með fjórtán marka forskot á Lionel Messi sem er næstmarkahæstur í sögu keppninnar.

Ronaldo skoraði fyrra mark Juventus í sigri á Leverkusen í Þýskalandi í kvöld.

Á 87. mínútu leiksins í kvöld komst áhorfandi á vellinum til Ronaldo á vellinum og faðmaði Portúgalann að sér.

„Já já. Hvað er þetta Óskar Örn (Hauksson) í KR? Er þetta ekki líkt honum?" Spurði Kjartan Atli Kjartansson þáttastjórnandi Meistaradeildarmessunnar.

Þessi áhorfandi var ekki sá eini því annar áhorfandi komst að Ronaldo og náði höggi á Ronaldo sem meiddi hann.

Myndir af þessu má sjá hér að neðan.