Byrjunarlið Fylkis og Vals: Ein breyting hjá Val - Orri má ekki spila

Klukkan 19:15 hefst fimmti leikur 2. umferðar í Bestu deildinni þegar Fylkir og Valur mætast í Árbænum.

Þjálfararnir eru búnir að opinbera byrjunarliðin og má sjá þau hér neðst.

Rúnar Páll Sigmundsson, þjálfari Fylkis, gerir tvær breytingar frá tapinu gegn KR í fyrstu umferð. Rúnar verður þó ekki á hliðarlínunni í kvöld þar sem hann tekur út leikbann eftir að hafa fengið rautt spjald í lok leiksins gegn KR. Benedikt Daríus Garðarsson er ekki í hópnum og Orri Hrafn Kjartansson má ekki spila leikinn þar sem hann er í láni frá Val. Inn koma þeir Þórður Gunnar og Guðmundur Tyrfingsson. Þeir Guðmar Gauti Sævarsson og Theodór Ingi Óskarsson koma inn í hópinn.