Franski sóknarmaðurinn Eli Junior Kroupi verður ekki seldur frá Bournemouth í sumarglugganum.
Kroupi, sem er 19 ára gamall, hefur skorað tólf deildarmörk á tímabilinu og er kominn á óskalista margra úrvalsdeildarfélaga.
Tiago Pinto, yfirmaður fótboltamála hjá Bournemouth, segir að það komi ekki til greina að selja Frakkann í sumar.
„Eli Junior Kroupi er ekki á förum frá félaginu. Hann er samningsbundinn félaginu í fjögur ár og það er engin kaupklásúla í samningnum þannig hann fer ekki fet.“
„Við munum ekki selja Kroupi, jafnvel þó við fengjum tilboð upp á 100 milljónir evra,“ sagði Pinto við 365Score.
Bournemouth keypti Kroupi frá Lorient á síðasta ári fyrir 17 milljónir punda.
