Mætti í hjólastól til að styðja liðsfélaga sína

Ismael Kone landsliðsmaður Kanada mætti á leikinn gegn Sviss til að styðja liðsfélaga sína.

Kone gekkst á dögunum undir aðgerð eftir að hafa fótbrotnað í 6-0 sigrinum gegn Kanada.

Fyrir leikinn gegn Sviss í Vancouver fékk Kone konunglegar móttökur þegar hann kom út á völlinn í hjólastól. Honum var klappað lof í lófa. Aðgerðin heppnaðist vel en þátttöku leikmannsins á HM er lokið.

Kone fótbrotnaði gegn Katar eftir brot Assim Madibo sem fékk rautt spjald. Kone spilar fyrir ítalska félagið Sassuolo og ljóst að það er nokkur bið í að hann reimi á sig takkaskóna á ný.

Kanada tapaði gegn Sviss en liðið er samt sem áður búið að tryggja sér sæti í 32-liða úrslitum.