Ítalía: Frábær byrjun hjá Gimenez

MIlan þurfti nauðsynlega á sigri að halda þegar liðið mætti Verona í ítölsku deildinni í kvöld. Liðið var fjórum stigum frá topp sex fyrir leikinn.

Liðinu gekk illa að koma boltanum á markið en Santiago Gimenez átti einu tilraunina á markið í seinni hálfleik og boltinn fór í netið. Þetta var annað mark hans í fyrstu tveimur deildarleikjunum síðan hann kom frá Feyenoord í janúar.

Liðið vann Empoli í síðustu umferð en þetta var í fyrsta sinn síðan í september sem liðið vinnur tvo deildarleiki í röð.

Milan er í 7. sæti, stigi á eftir Fiorentina eftir 24 umferðir. Verona er í 15. sæti aðeins þremur stigum frá fallsæti en liðin fyrir neðan eiga öll leik til góða.