Tanguy Ndombele virðist vera að ganga í raðir Napoli frá Tottenham og þá fækkar um einn í hópnum hjá Tottenham sem Antonio Conte vill losna við. Sergio Reguilon og Harry Winks verða þá þeir einu í hópnum sem eiga sér enga framtíð hjá félaginu.
Að undanförnu hefur Tottenham lánað Joe Rodon til Renne í Frakklandi og Giovani Lo Celso er farinn á láni til Villarreal.
Í síðasta mánuði var fjallað um að þeir Japhet Tanganga og Bryan Gil væru einnig leikmenn sem væru mögulega á útleið frá Tottenham, en miðað við fréttir dagsins fá þeir að vera áfram hjá félaginu.
Valencia hefur þó áhuga á Gil en þar sem Conte hefur heillast af honum á æfingasvæðinu gæti farið svo að Gil fari hvergi. Tanganga hefur þá verið orðaður við AC Milan.
Athugasemdir