Giggs viðurkennir framhjáhöld en neitar öðru
Mynd: Getty Images
Mynd: Getty Images
Það er verið að rétta yfir Ryan Giggs, fyrrum leikmanni Manchester United og landsliðsþjálfara Wales, sem er ásakaður um ýmsa glæpi gagnvart fyrrum kærustu sinni.
Kate Greville, fyrrum kærasta Giggs, og yngri systir hennar, Emma, hafa ásakað Giggs um ýmislegt. Emma sagði meðal annars frá því þegar hún horfði á Giggs skalla systur sína, en Giggs segir það ekki vera satt.
Giggs bar vitni í gær og viðurkenndi að hann hafi margoft haldið framhjá Kate og öllum öðrum kærustum í lífi sínu og logið til um það. Hann harðneitaði þó að hafa nokkurn tímann lagt hendur á kvenmann eða að hafa ætlað sér að þvinga kvenmann til einhvers.
Þá gengst Giggs heldur ekki við öðrum ásökunum um að hafa til að mynda hótað Kate með hefndarklámi og sakar bæði hana og systur hennar um lygar og rógburð.
