Lestu um leikinn: FH 1 -  0 Fylkir

„Ég var nú ekkert mikið að pæla í því. Ég var aðallega hræddur um mitt eigið mark, það var það sem við lögðum upp með að halda hreinu sagði Ólafur aðspurður um hvort hann hefði orðið hræddur um að FH tækist ekki að skora í leiknum eftir fjölmörg dauðafæri.

Já, það er hárrétt, þessi sigur var lífsnauðsynlegur. En við erum samt ennþá í botnbaráttu og við megum ekki fara að gleyma okkur í því vegna þess að það er stutt niður og við verðum að halda vel á spilunum og halda áfram.

Það er geggjaðslega gaman að spila í Evrópukeppni og gott að fara sérstaklega í útileiki að fá að fara og vera í friði og tala saman og vinna í því sem við þurfum að vinna í. Klárlega gaf ferðin okkur til Írlands mikið og vonandi gefur ferðin til Noregs okkur ennþá meira.

Það er geggjað að fara að spila við Rosenborg. Er reyndar ekki farinn að skoða þá en Matti veit ýmislegt um þá og ég spilaði við þá ekki fyrir langa löngu þannig að ég er spenntur að fara."

Aðspurður um hvort breytinga væri að vænta á leikmannahópnum svaraði Ólafur:

„Ekki held ég það í augnablikinu, nei það held ég ekki."

Nánar er rætt við Ólaf í sjónvarpinu hér að ofan