Rúnar Páll Sigmundsson þjálfari Stjörnunnar var vonsvikinn eftir 2-2 jafntefli gegn Grindavík í 17. umferð Pepsi-deildar karla í dag.
Stjarnan komst yfir undir lok venjulegs leiktíma eftir að hafa lent 1-0 undir í fyrri hálfleik. Það dugði þó ekki til því Grindavík jafnaði á lokamínútu venjulegs leiktíma.
Stjarnan komst yfir undir lok venjulegs leiktíma eftir að hafa lent 1-0 undir í fyrri hálfleik. Það dugði þó ekki til því Grindavík jafnaði á lokamínútu venjulegs leiktíma.
Lestu um leikinn: Grindavík 2 - 2 Stjarnan
„Ég er fúll að missa þetta niður. Það var þvílík barátta að jafna metin og komast yfir og menn lögðu allt í það að ná því. Það er því súrt að fá þetta mark í andlitið í lokin."
„Við vorum ekki flinkir við það að landa þessum sigri heim. Þetta var klaufaskapur í vörninni að hleypa þeim í gegnum miðjuna og svo í gegnum okkur á 90. mínútu. Við þurfum að vera klókari í þessum leikstöðum það kostaði okkur hérna stigin."
Rúnar var þó ánægður með viljann sem liðið sýndi að koma til baka eftir að hafa lent undir.
„Það var mjög sterkt og mikill vilji í því. Það er því grátlega að ná ekki að klára þetta."
Framundan eru gríðarlega mikilvægir leikir hjá Stjörnunni bæði í deild og bikar.
„Við þurfum að byrja að mæta Breiðablik á laugardaginn og fá frábær úrslit þar. Það er næsta verkefni."
Athugasemdir