Guardiola um Liverpool: Eitt besta lið sem ég hef séð

Manchester City náði í mikilvæg þrjú stig í dag þegar þeir sigruðu Tottenham á heimavelli, 1-0.

Pep Guardiola hrósaði bæði Tottenham og Liverpool í viðtali að leik loknum.

„Sama hvernig þetta endar þá er ekki annað hægt að segja en við höfum verið að gera frábæra hluti. Sama hvað gerist þá munum við berjast allt til enda og sjá svo til hvert það skilar okkur."

„Tottenham er frábært lið og félag, þeir eru ótrúleg vel skipulagðir. Við erum að berjast við besta Liverpool lið sögunnar, þetta er eitt besta lið sem ég hef séð. Það yrði mjög ánægjulegt að hafa betur gegn þeim í þessari baráttu," sagði Guardiola eftir leikinn í dag.