Fiorentina var búið að sogast niður í fallbaráttu með því að hafa fengið einungis eitt stig úr síðustu fjórum leikjum sínum fyrir leikinn gegn Verona í kvöld.

Liðið vann 1-2 útisigur í kvöld sem kemur liðinu átta stigum frá Cagliari í fallsæti.

Dusan Vlahovic skoraði úr vítaspyrnu í uppbótartíma fyrri hálfleiks og kom Fiorentina yfir. Martin Caceres, fyrrum samherji bæði Lionel Messi og Cristiano Ronaldo, skoraði svo seinn markið þegar hann var fyrstur á boltann í frákasti.

Eddie Salcedo minnkaði muninn á 72. mínútu fyrir Verona en lengra komust heimamenn ekki.