Bayern Munchen getur fagnað í kvöld, svo mikið er víst. Liðið vann 2-0 sigur á Bayer Leverkusen og voru það Eric Maxim Choupo-Moting og Joshua Kimmich sem skoruðu mörk heimamanna á Allianz.

Fyrr í dag tapaði RB Leipzig gegn Köln og er því forskot Bayern á toppnum orðið tíu stig.

Á hinum enda töflunnar er ljóst að Schalke er fallið úr deildinni. Liðið er með þrettán stig þegar fjórar umferðir eru eftir, þrettán stig eru í næstu lið. Schalke tapaði gegn Bielefeld í kvöld.

Í Frankfurt kom Alfreð Finnbogason inn á sem varamaður þegar Augsburg tapaði gegn Eintracht. Alfreð kom inn í lið Augsburg á 65. mínútu og tók vítaspyrnu á 73. mínútu. Alfreð skaut yfir markið, því miður.

Stöðuna í deildinni má sjá hér að neðan.