Þungavigtarbikarinn: FH í úrslit eftir sigur á ÍBV

FH er komið í úrslit Þungavigtarbikarsins eftir 3-0 sigur á ÍBV í Skessunni í dag.

Vuk Óskar Dimitrijevic gerði fyrsta mark FH í leiknum áður en Finnur Orri Margeirsson bætti við öðru. Ekki oft sem hann er meðal markaskorara en hann hefur aðeins skorað eitt mark í deild- og bikar á ferli sínum.

Dagur Þór Hafþórsson gerði svo þriðja mark FH-inga til að loka leiknum og lokatölur 3-0.

FH er því sigurvegari B-riðils og mætir Breiðabliki í úrslitaleik Þungavigtarbikarsins. Keflavík mun spila um 3. sætið og þá mun ÍBV spila um 5. sæti bikarsins eftir viku.