21.06.21 - 17:22
Guðmundur Aðalsteinn Ásgeirsson
Bandaríkin: Gunnhildur taplaus á toppnum
Gunnhildur Yrsa Jónsdóttir.
Mynd: Fótbolti.net - Hafliði Breiðfjörð
Gunnhildur Yrsa Jónsdóttir.
Mynd: Fótbolti.net - Hafliði Breiðfjörð
Orlando Pride, lið Gunnhildar Yrsu Jónsdóttur, er á toppnum í Bandaríkjunum og áfram taplaust.
Liðið spilaði við Gotham FC í Flórída í gær og þar komust gestirnir yfir undir lok fyrri hálfleiks.
Það virtist stefna í fyrsta tap Orlando á tímabilinu en undir lokin jafnaði Courtney Petersen eftir stoðsendingu frá einni bestu fótboltakonu allra tíma.
Samkvæmt uppstillingu Soccerway þá spilaði Gunnhildur á miðsvæðinu, en hún lék allan leikinn. Hún er á sínu fyrsta tímabili með Orlando sem er á toppnum í Bandaríkjunum með 12 stig eftir sex leiki.
Gunnhildur og aðrir leikmenn Orlando klæddust bolum fyrir leikinn í gær sem á stóð: „Verjið trans börn." Þær klæddust bolunum til að mótmæla þeirri ákvörðun að banna trans stúlkum í Flórída að spila íþróttir með stelpum. Ron DeSantis, ríkisstjóri Flórída, skrifaði undir lög þess efnis á fyrsta degi Pride mánaðarins.
Það virtist stefna í fyrsta tap Orlando á tímabilinu en undir lokin jafnaði Courtney Petersen eftir stoðsendingu frá einni bestu fótboltakonu allra tíma.
Samkvæmt uppstillingu Soccerway þá spilaði Gunnhildur á miðsvæðinu, en hún lék allan leikinn. Hún er á sínu fyrsta tímabili með Orlando sem er á toppnum í Bandaríkjunum með 12 stig eftir sex leiki.
Gunnhildur og aðrir leikmenn Orlando klæddust bolum fyrir leikinn í gær sem á stóð: „Verjið trans börn." Þær klæddust bolunum til að mótmæla þeirri ákvörðun að banna trans stúlkum í Flórída að spila íþróttir með stelpum. Ron DeSantis, ríkisstjóri Flórída, skrifaði undir lög þess efnis á fyrsta degi Pride mánaðarins.
(𝙰𝚐𝚊𝚒𝚗) RT if your team is unbeaten & in first place. 😏🚀 #AdAstra https://t.co/YMRt8lNomt pic.twitter.com/VqK0iOFg0H
— Orlando Pride (@ORLPride) June 21, 2021
