Hún hefur skorað 83 mörk í 100 landsleikjum fyrir Holland og leikur með Arsenal á Englandi þar sem hún getur eiginlega ekki hætt að skora.

Sveindís er ungur sóknarmaður sem er rétt að byrja sinn feril. Hún var spurð að því á fréttamannafundi á dögunum hvort Miedema væri fyrirmynd.

„Það er varla hægt að lýsa henni; hún er svo geggjuð," sagði Sveindís.

„Hún er örugglega með þrjú mörk í leik að meðaltali eða eitthvað. Hún er frábær leikmaður og ótrúlega góð í að koma sér í færi. Ég horfi mikið á hana og reyni að læra af henni. Ég er spennt í að sjá hana í leiknum. Vonandi gengur ekki rosalega vel hjá henni að skora. En já, hún er frábær leikmaðurl," sagði Sveindís jafnframt.

Ísland og Holland eigast við í undankeppni HM í kvöld. Bæði Sveindís og Miedema byrja leikinn en hægt er að fara í beina textalýsingu með því að smella hérna.

Sjá einnig:
Þurfum að passa að Miedema fái ekki boltann