Glenn er vel kunnugur staðháttum í Eyjum en hann kom fyrst til félagsins sem leikmaður árið 2014 og spilaði þá með liðinu í efstu deild.

Hann spilaði tvö tímabil með liðinu áður en hann samdi við Breiðablik. Hann hefur einnig spilað fyrir Fylki en snéri svo aftur til ÍBV árið 2019.

Þar lék hann tvö tímabil áður en hann lagði skóna á síðasta ári og hefur verið að starfa sem yngri flokka þjálfari hjá félaginu.

Nú er hann tekinn við kvennaliði félagsins og mun stýra því á næsta tímabili.

ÍBV hafnaði í 7. sæti deildarinnar á nýafstöðnu tímabili.