Norska úrvalsdeildarliðið Vålerenga er komið áfram í 32-liða úrslit norska bikarsins eftir 4-3 sigur á Brumunddal.
Íslenski landsliðsmiðvörðurinn Brynjar Ingi Bjarnason var í vörn Vålerenga sem lenti tveimur mörkum undir í fyrri hálfleiknum en fékk gagnrýni fyrir varnarleik sinn í báðum mörkunum.
Úrvalsdeildarliðið náði að jafna leikinn í þeim síðari áður en Brumenddal tók forystuna á nýjan leik.
Vålerenga skoraði tvö til viðbótar og náði að afstýra niðurlægingu gegn C-deildarliðinu og vann 4-3 sigur.
Viðar Örn Kjartansson var ekki í leikmannahópnum hjá Vålerenga en hann er að glíma við smávægileg meiðsli.
Athugasemdir