Tveir leikir voru spilaðir í 2. deild kvenna í gær. KR voru fyrstar til að vinna Völsung og Einherjakonur unnu Augnablik fyrir austan.
Völsungskonur voru með fullt hús stiga fyrir leikinn við KR í gær á PCC vellinum í Húsavík. Það var Ólöf Freyja Þorvaldsdóttir sem braut ísinn fyrir KR í lok fyrri hálfleiks og þar við sat í hálfleik, 1-0 fyrir KR.
Krista Eik Harðardóttir var ekki lengi að jafna leikinn fyrir heimakonur í seinni hálfleiks en innan við mínútu eftir jöfnunarmarkið náðu KR-ingar að komast aftur yfir með marki frá Birtu Ósk Sigurjónsdóttur.
Völsungskonur náðu ekki að jafna leikinn og fyrsta tap Völsungs á tímabilinu staðreynd.
Það voru svo Einherjakonur sem fengu Augnablik í heimsókn á sama tíma fyrir austan
Karólína Dröfn Jónsdóttir kom heimakonum yfir eftir 12. mínútna leik en Lilja Þórdís Guðjónsdóttir jafnaði leikinn þegar hálftími var liðinn af leiknum. Rétt fyrir hálfleik var Karólína Dröfn aftur á ferðinni og kom Einherja yfir. Hálfleikstölur 2-1 fyrir Einherja.
Það dró til tíðinda þegar rúmar 10 mínútur voru eftir af leiknum þegar Karólína innsiglaði þrennuna sína og það var svo Borghildur Arnarsdóttir sem kláraði leikinn fyrir Einherja með þeirra fjórða marki.
Líf Joostdóttir van Bemmel minnkaði þó muninn í 4-2 þegar það voru 5 mínútur eftir af leiknum en Kópavogskonur náðu ekki að gera sér neitt mat úr því og lokatölu Einherji 4-2 Augnablik.
Völsungur 1 - 2 KR
0-1 Ólöf Freyja Þorvaldsdóttir ('38 )
1-1 Krista Eik Harðardóttir ('51 )
1-2 Birta Ósk Sigurjónsdóttir ('52 )
Einherji 4 - 2 Augnablik
1-0 Karólína Dröfn Jónsdóttir ('12 )
1-1 Lilja Þórdís Guðjónsdóttir ('29 )
2-1 Karólína Dröfn Jónsdóttir ('44 )
3-1 Karólína Dröfn Jónsdóttir ('81 )
4-1 Borghildur Arnarsdóttir ('83 )
4-2 Líf Joostdóttir van Bemmel ('85 )
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Haukar | 8 | 7 | 1 | 0 | 42 - 12 | +30 | 22 |
| 2. Völsungur | 7 | 6 | 0 | 1 | 28 - 3 | +25 | 18 |
| 3. KR | 6 | 5 | 1 | 0 | 23 - 4 | +19 | 16 |
| 4. Einherji | 8 | 5 | 1 | 2 | 21 - 10 | +11 | 16 |
| 5. KH | 7 | 5 | 1 | 1 | 16 - 9 | +7 | 16 |
| 6. ÍH | 8 | 5 | 0 | 3 | 39 - 19 | +20 | 15 |
| 7. Fjölnir | 6 | 3 | 0 | 3 | 22 - 12 | +10 | 9 |
| 8. Augnablik | 6 | 3 | 0 | 3 | 17 - 13 | +4 | 9 |
| 9. Sindri | 8 | 2 | 1 | 5 | 13 - 42 | -29 | 7 |
| 10. Álftanes | 7 | 1 | 1 | 5 | 13 - 25 | -12 | 4 |
| 11. Smári | 7 | 0 | 1 | 6 | 5 - 31 | -26 | 1 |
| 12. Vestri | 8 | 0 | 1 | 7 | 4 - 34 | -30 | 1 |
| 13. Dalvík/Reynir | 6 | 0 | 0 | 6 | 6 - 35 | -29 | 0 |
