Arnar Grétarsson þjálfari KA var sáttur við sigur sinna manna á Stjörnunni í kvöld.
„Ég er búinn að sjá alla leikina hjá Stjörnunni og ég held að stigasöfnun hjá þeim sé ekki alveg í samræmi við spilamennskuna."
„Ég er búinn að sjá alla leikina hjá Stjörnunni og ég held að stigasöfnun hjá þeim sé ekki alveg í samræmi við spilamennskuna."
Lestu um leikinn: Stjarnan 0 - 1 KA
„Stjarnan var með tvö stig og eru sært dýr og þeir komu mjög grimmir til leiks. Við vorum ekki að leysa það nógu vel í fyrri hálfleiknum og áttum að gera betur".
„Það var ekki mikið um opnanir í leiknum og ég held að fyrsta færið í leiknum hafi Grímsi fengið á 65. mínútu og það var dauðafæri og slæmt þegar maður fær færi að nýta það ekki."
„Elfar Árni skorar svo gott mark og við erum að þéttast í röðunum og erum að fá menn til baka og við getum skipt inn á núna og það skiptir máli."
„Hingað til hefur þetta gengið mjög vel. Við höfum verið óheppnir með meiðsli og annað og það hefur sett strik í reikninginn. Við höfum aldrei verið að væla yfir því, það er bara þannig, það meiðist einhver og það kemur maður í manns stað. Menn vita það að þetta er langt mót og við erum búnir með sex leiki og það er gott að vera komnir með þessi stig og við erum nálægt toppnum en þetta er fljótt að breytast og menn þurfa að halda löppunum á jörðinni."
Nánar er rætt við Arnar í sjónvarpinu hér að ofan. Beðist er velvirðingar á því hversu mikið myndavélin hristist.
Athugasemdir
