Lillý var traust í vörn Vals í kvöld.
„Þór/KA hafa verið mjög sterkar í síðustu tveimur leikjum og við vissum alveg að þetta yrði erfiður leikur. Það var virkilega sterkt að ná marki inn í byrjun og það gaf okkur gott start inn í leikinn svo ég er mjög sátt," sagði Lilly Rut Hlynsdóttir varnarmaður Vals eftir að liðið vann 6 - 0 sigur á Þór/KA í Pepsi Max-deild kvenna í kvöld.
Lestu um leikinn: Valur 6 - 0 Þór/KA
„Við ætluðum að vera þolinmóðar og láta boltann ganga. Okkur datt í hug að þær myndu droppa niður svo við ætluðum að vera skynsamar og þolinmóðar og þetta myndi koma," bætti hún við.
Hlín Eiríksdóttir kom Val yfir eftir 11 mínútna leik og skoraði þrennu í leiknum auk þess sem Elín Metta Jensen skoraði tvo áður en Dóra María Lárusdóttir skoraði sjötta markið í lokin.
„Það var frábært að ná markinu inn svona snemma. Þá gátum við haldið boltanum og verið rólegar. Þær eru svo geggjaðar frammi og eru alltaf að fara að skora. Ég veit ekki hvað þær voru að gera í Covid því þær eru geggjaðar."
Nánar er rætt við Lillý í sjónvarpinu hér að ofan.
Athugasemdir
