Þýskaland: Kláruðu nýliðana í seinni hálfleik

Heidenheim bar sigurorð af nýliðum St. Pauli, 2-0, í 1. umferð þýsku deildarinnar í dag.

Nýliðarnir áttu eitt stærsta klúður umferðarinnar en það kom fjórum mínútum fyrir fyrra mark Heidenheim. Boltinn kom inn í teiginn og á Morgan Guilavogui sem var einn fyrir opnu marki, en hitti ekki boltann.

St. Pauli fékk annað færi til að skora en markvörðurinn varði og keyrðu leikmenn Heidenheim í hraða skyndisókn sem endaði hjá Paul Wanner. Hann komst hægra megin í teiginn og setti boltann örugglega í fjærhornið.

Jan Schoppner gerði annað markið á 82. mínútu af stuttu færi eftir hornspyrnu og þar við sat.