Rayan alltaf verið stuðningsmaður Man Utd

Rayan var keyptur til Bournemouth í síðasta janúarglugga fyrir um 30 milljónir punda og hefur komið með beinum hætti að 12 mörkum í 31 leik frá félagaskiptunum.

Hann er partur af brasilíska hópnum í landsleikjahlénu og kom ekki við sögu í 3-2 tapi gegn Japan, en tekur líklegast þátt í næsta leik gegn Singapúr.

Evanilson er liðsfélagi hans hjá Bournemouth og landsliðinu og fóru þeir saman í viðtal við ESPN. Þar ræddi Rayan meðal annars um frábæran sigur Bournemouth gegn Manchester United á Old Trafford.

„Þetta var ótrúleg stund þegar við unnum gegn Manchester United, liðinu sem ég hef alltaf haldið með. Að skora á Old Trafford var draumur að rætast," sagði Rayan. „Ég hef alltaf haldið með Man Utd út af Cristiano Ronaldo og ég hugsaði til hans þegar ég gekk inn á völlinn."