Kristófer Ingi Kristinsson átti þátt í öðru marki SönderjyskE gegn Midtjylland í gær, ef ekki meira en það.
Arnór Ingi, bróðir Kristófers, deilir myndbandi af öðru markinu SönderjyskE í gær á samfélagsmiðlinum Twitter.
„Fyrir áhugasama þá skoraði Kristófer sitt fyrsta mark í Danish Superliga í kvöld. Því miður fékk hann það ekki skráð á sig en hann stýrir boltanum skrautlega í markið með bakinu á sér. Ekki það flottasta en mark skal vera mark," skrifar Arnór.
Hægt er að sjá myndband af markinu hér að neðan. Þess má geta að Elías Rafn Ólafsson var í markinu hjá Midtjylland í leiknum.
Þetta mark jafnaði leikinn, en Midtjylland skoraði sigurmarkið áður en flautað var af. Mikil dramatík!
Kristófer er 22 ára gamall framherji sem gekk í raðir SönderjyskE fyrr á þessu ári eftir að hafa verið hjá PSV í Hollandi þar sem hann spilaði með varaliðinu.
Fyrir áhugasama þá skoraði Kristófer sitt fyrsta mark í Danish Superliga í kvöld, því miður fékk hann það ekki skráð á sig en hann stýrir boltanum skrautlega í markið með bakinu á sér. Ekki það flottasta en mark skal vera mark. @Fotboltinet @Superligaen #sønderjyske pic.twitter.com/9WqshlrEoW
— Arnór Ingi Kristinsson (@Aikristinsson) October 24, 2021
Athugasemdir