Samkvæmt heimildum Fótbolta.net hafa FH og Breiðablik, félög úr Pepsi Max-deildinni, áhuga á Vuk Oskar Dimitrijevic, leikmanni Leiknis.
Vuk er 18 ára sóknarleikmaður sem er í U19 landsliði Íslands en hann á tíu leiki að baki fyrir yngri landsliðin.
FH-ingar og Blikar hafa gert tilboð í Vuk en hann hefur verið í stóru hlutverki hjá uppeldisfélagi sínu Leikni í Breiðholti undanfarin tvö ár.
Hann skoraði fjögur mörk í 20 leikjum þegar Leiknir hafnaði í þriðja sæti 1. deildarinnar á síðasta tímabili.
Breiðablik og FH höfnuðu í öðru og þriðja sæti Pepsi Max-deildarinnar á síðasta tímabili.
Athugasemdir