Norski framherjinn Erling Braut Haaland fór meiddur af velli gegn Bayern München nú rétt í þessu en Giovanni Reyna kom inná í hans stað.
Haaland hefur farið vel af stað með Dortmund frá því hann kom í janúar.
Hann hefur skorað 13 mörk og lagt upp 3 í 14 leikjum en leikmenn Bayern reyndust honum erfiðir í dag.
Haaland hafði ekki úr miklu að moða í leiknum og bætti það gráu ofan á svart er hann haltraði af velli á 72. mínútu.
Dortmund er 1-0 undir þegar þetta er skrifað og þá sjö stigum á eftir Bayern ef þetta reynast lokatölur leiksins.
Athugasemdir