„Bara svekktur að tapa leiknum, jafn leikur sem fellur þeirra megin," sagði Úlfur Arnar Jökulsson þjálfari Fjölnis eftir 0 - 2 tap heima gegn Fylki í kvöld.
„Við lögðum leikinn þannig upp að við ætluðum að reyna að vera við sjálfir, en vera meðvitaðir um það að þeir eru hættulegir á breakinu. þannig kemur fyrsta markið, við missum boltann á miðjunni og þeir keyra á okkur á breakinu og refsa okkur. Mark tvö er nú eitthvað sem við töluðum mikið um að passa uppá, það er þessi cut back sending frá endalínu. Við skoðuðum það vel á vídeó og það er kjaftshögg að fá svoleiðis mark á sig eftir að hafa undirbúið sig vel að stoppa það."
Lestu um leikinn: Fjölnir 0 - 2 Fylkir
Úlfur var einnig spurður út í Lúkas Loga leikmann Fjölnis, en það hafa verið sögusagnir um að hann klári ekki tímabilið með Fjölni.
„Eins og staðan er núna þá geri ég ráð fyrir því að hann klári tímabilið með okkur."