Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 27. október 2020 22:45
Sæbjörn Þór Þórbergsson Steinke
Zidane: Þetta verður erfitt ár
Mynd: Getty Images
„Við héldum ekki að það yrði einhver dramatík. Liðið gerði vel að koma til baka," sagði Zinedine Zidane, stjóri Real Madrid, eftir 2-2 jafntefli gegn Borussia Mönchengladbach á útivelli í Meistaradeildinni.

Marcus Thuram kom Gladbach í 2-0 en mörk frá Karim Benzema og Casemiro undir lokin björguðu stigi fyrir Real Madrid.

„Þetta er mikilvægt stig. Við vitum það að með því að spila eins og við gerðum [undir lokin] munum við gera það sem þarf og leikmenn börðust allt til enda. Þetta verður erfitt ár fyrir okkur alla en í dag verðum við að vera stoltir af afrekinu," bætti Zidane við.

Real Madrid er með eitt stig eftir tvo leiki. Liðið tapaði gegn Shakhtar í fyrstu umferð Meistaradeildarinnar.
Athugasemdir
banner
banner
banner
banner