John Stones og Ruben Dias hafa myndað ótrúlegt miðvarðapar á þessu tímabili hjá Manchester City. Þeir eru besta miðvarðapar enska boltans í augnablikinu.
Man City hefur núna unnið 20 leiki í röð í öllum keppnum og eiga miðverðirnir tveir stóran þátt í því en þeir hafa búið til mikinn stöðugleika í hjarta varnarinnar.
Dias var keyptur frá Benfica síðasta sumar og hann hefur komið virkilega flottur inn í lið City. Stones hefur gert mjög vel í að koma til baka eftir að hafa misst sæti sitt í liðinu hjá Pep Guardiola.
Þeir tveir hafa verið ótrúlega góðir saman eins og tölfræðin segir til um. Þeir tveir eru búnir að skora fleiri mörk en City hefur fengið á sig í þeim 16 leikjum sem þeir hafa byrjað saman á tímabilinu.
Þeir voru báðir á skotskónum í gær þegar Man City vann 2-1 sigur á West Ham á heimavelli. Þeir eru saman búnir að skora fimm mörk í þeim leikjum sem þeir hafa byrjað saman en aðeins fengið á sig þrjú mörk. Mögnuð tölfræði.
Stones and Dias have scored more goals than they have conceded in the 16 games they've started together for City this season ... Mental #mcfc #whufc
— James Ducker (@TelegraphDucker) February 27, 2021
Ruben Dias and John Stones have now scored FIVE goals and only conceded THREE in the 16 games they have started together this season 🤯 pic.twitter.com/GxiTXyMJKE
— ESPN FC (@ESPNFC) February 27, 2021
Athugasemdir