Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   lau 28. mars 2020 06:00
Ívan Guðjón Baldursson
Fram fær sjö nýja leikmenn (Staðfest)
Salka hefur verið iðin við markaskorun í 2. deildinni.
Salka hefur verið iðin við markaskorun í 2. deildinni.
Mynd: Fótbolti.net - Hafliði Breiðfjörð
Kvennalið Fram er búið að bæta sjö leikmönnum við hópinn sinn fyrir átök sumarsins, en Fram mun leika í 2. deild þegar Íslandsmótið fer af stað.

Salka Ármannsdóttir er gengin í raðir félagsins frá Álftanesi. Hún er fædd árið 2000 og hefur skorað 11 mörk í 21 leik í 2. deildinni.

Eygló Erna Kristjánsdóttir, einnig fædd 2000, er komin frá Akureyri en hún á fimm leiki að baki fyrir Hamrana og einn fyrir Þór/KA.

Þórdís Ösp Benediktsdóttir, fædd 1989, er komin frá Sindra og þá Svanhvít Valtýsdóttir, fædd 1990, frá Fjölni.

Auður Erla Gunnarsdóttir og Þorbjörg Kristinsdóttir eru uppaldar hjá Fram og skrifa undir sína fyrstu samninga við meistaraflokk. Báðar eru þær fæddar 2001.

Ásdís Arna Sigurðardóttir, fædd 2002, er einnig uppalin hjá Fram en hún kemur frá Aftureldingu eftir aðskilnað félaganna.


Athugasemdir
banner
banner
banner
banner