Byrjunarlið Chelsea gegn Krasnodar: Rudiger og Ziyech byrja

Klukkan 17:55 hefst leikur Krasnodar og Chelsea í Meistaradeildinni í Rússlandi.

Frank Lampard hvílir Thiago Silva í kvöld, Kepa Arrizabalaga markvörður er meiddur og varnarmaðurinn Marcos Alonso tekur út leikbann.

Antonio Rudiger kemur inn í liðið en hann hefur verið í frystikistunni í upphafi móts. Chelsea spilar með fjögurra manna vörn.

Stuðningsmenn Chelsea eru spenntir fyrir því að sjá Hakim Ziyech fá byrjunarliðsleik.

Chelsea gerði 0-0 jafntefli gegn Sevilla í fyrsta leik sínum í riðlinum en liðið er án sigurs í þremur leikjum í öllum keppnum.