Andri Hjörvar: Mig langaði svo rosalega í þrjú stig

Leiknum lauk með markalausu jafntefli. Andri Hjörvar Albertsson, þjálfari Þór/KA var til viðtals hjá fótbolta.net eftir leikinn. Hvernig er tilfinningin?

„Ég er pínu súr af því að mér langaði svo rosalega í þrjú stig og satt að segja vorum við mjög nálægt því í nokkur skipti, stig er stig en ég er frekar súr með að fá bara eitt stig út úr þessum leik."

Hvað vantaði uppá til að ná í markið?

„Pota honum inn bara, vera tilbúnar að henda sér í boltann við mark andstæðingana og pota honum inn. Við vorum að skapa færi en það vantaði bara upp á stóru tánna."

Hvað þurfið þið að bæta til að ná þremur stigum í næsta leik?

„Við þurfum að halda áfram þessu momenti, við erum búin að gera tvö jafntefli í röð sem er ekki alslæmt, annað á móti sterku liði Vals, höldum hreinu hér í dag þannig að það er margt jákvætt til að byggja á. Við erum að fara inn í algjört stríð á móti Keflavík, við þurfum að vera tilbúnar í baráttu og sækja þrjú stig af því að þau eru lífsnauðsynleg í þeirri baráttu sem við erum í."