Iraola tók við Bournemouth í sumar en hann og Arteta ólust upp saman á Spáni.

„Við spiluðum saman og nutum þeirra forréttinda að alast upp á sama svæði. Við fengum okkar menntun þar. Það er ákveðin fegurð fólgin í því að við séum báðir núna að stýra liði í ensku úrvalsdeildinni."

„Iraola var betri fótboltamaður en allir aðrir þegar horft er í tæknilega þáttinn. Hann var kantmaður og svo breyttist hann í bakvörð þegar hann varð eldri. Hann var drauma nútímabakvörður fyrir hvaða stjóra sem er í dag."

Það verður áhugavert að sjá hvernig fer í baráttu þessara gömlu vina en Arsenal er fyrirfram mun líklegri aðilinn.