Giovanni Carnevali, framkvæmdastjóri Sassuolo á Ítalíu, segir að viðræður við Juventus um Manuel Locatelli fari fram í dag en leikmaðurinn vill ólmur komast til liðsins í þessum glugga.
Verðmiðinn á Locatelli hefur svo sannarlega hækkað eftir góða frammistöðu hans á Evrópumótinu með ítalska landsliðinu í sumar.
Locatelli er í eigu Sassuolo en Juventus hefur sýnt honum áhuga síðustu vikur og vill ganga frá kaupum á honum við fyrsta tækifæri.
„Við munum ræða við Juventus í dag um Locatelli. Hann vill fara til Juventus," sagði Carnevali.
„Við yrðum ánægðir með að selja Manuel til Juve en þeir þurfa að borga rétta upphæð. Arsenal lagði fram tilboð í hann og nú er annað enskt félag í baráttunni," sagði hann ennfremur en tók ekki fram hvaða félag.
Athugasemdir