Ethan Mbappe, yngri bróðir Kylian Mbappe, hefur verið valinn til æfinga með U16 landsliði Frakklands. Ethan er hjá Paris Saint-Germain eins og stóri bróðir og verður fimmtán ára í lok árs.
Þeir bræður eru talsvert ólíkir. Ethan er örvfættur miðjumaður með góða sendingagetu og útsjónarsemi. Hann er þó ekki með sama sprengikraft og Kylian.
Kylian kallar Ethan stundum 'Ethaninho' þar sem hann er feikilega öflugur í að rekja boltann.
Þess má geta að Ethan fann upp á frægasta fagni Kylian Mbappe sem renndi sér á hnjánum með krosslagðar hendur eftir að hafa skorað gegn Dortmund í 8-liða úrslitum Meistaradeildarinnar 2016-17.
Það hefur orðið að einkennisfagni Kylian Mbappe og aðrir íþróttamenn hafa hermt eftir því. En upphaflega var það Ethan sem fann það upp og tók fagnið fyrst þegar þeir bræður voru að keppa í Playstation tölvuspili. Kylian ákvað að fara með fagnið á talsvert stærra svið.
Athugasemdir