Heimild: Reuters
Hundruðir stuðningsmanna Borussia Dortmund tjölduðu í tvær nætur fyrir utan miðasölu félagsins til að reyna að krækja í miða á leikinn gegn Real Madrid í undanúrslitum Meistaradeildarinnar í næstu viku.
Um 80 þúsund áhorfendur mæta á hvern heimaleik Dortmund en í Meistaradeildinni er einungis leyfilegt að hafa 65 þúsund manns þar sem ekki má standa á þeim leikjum.
Fáir miðar fóru í almenna sölu í morgun og margir þurftu frá að hverfa auk þess sem smávægileg slagsmál brutust út í röðinni en hver aðili mátti einungis kaupa tvo miða.
,,Ég hef beðið síðan á sunnudag, einungis til að fá þessa tvo pappíra. Þetta var erfitt en þetta er allt þess virði núna," sagði Daniel Schrader sem gisti í tvær nætur fyrir utan miðasöluna.
Athugasemdir