Frá æfingu dagsins.
Fyrsta æfing íslenska landsliðsins hér í Búdapest er að baki en allur hópurinn er kominn saman til undirbúnings fyrir umspilsleikinn gegn Ísrael sem fram fer á fimmtudagskvöld.
Það voru hinvsegar bara ellefu sem tóku þátt í æfingu dagsins en leikmenn sem voru nýbúnir að spila um helgina voru í endurheimt á hótelinu. Það vill oft vera þannig í landsliðsgluggum að frekar fámennt er á fyrstu æfingu enda menn á misjöfnum stað eftir helgina.
Það voru hinvsegar bara ellefu sem tóku þátt í æfingu dagsins en leikmenn sem voru nýbúnir að spila um helgina voru í endurheimt á hótelinu. Það vill oft vera þannig í landsliðsgluggum að frekar fámennt er á fyrstu æfingu enda menn á misjöfnum stað eftir helgina.
Fréttamenn Fótbolta.net, 433.is og Morgunblaðsins fylgdust með æfingunni en á síðuna er komið viðtal við Alfreð Finnbogason og þá kemur inn viðtal við Ísak Bergmann Jóhannesson á eftir.
Auk fyrrnefndra leikmanna voru allir markverðirnir þrír á æfingunni í dag og þeir Mikael Egill Ellertsson, Alfons Sampsted, Willum Þór Willumsson, Jóhann Berg Guðmundsson, Hjörtur Hermannsson og Guðmundur Þórarinsson.
Æfingin fór fram á æfingasvæði Újpest en á völlum við hlið vallarins þar sem Ísland æfði voru yngri flokkar félagsins við æfingar.
Það má svo búast við því að allir leikmenn íslenska hópsins verði samankomnir á næstu æfingu sem verður klukkan 11:30 á morgun.
? Fyrstu æfingu lokið í Búdapest.
— Knattspyrnusambandið (@footballiceland) March 18, 2024
???????? We've started our preparations for our EURO 2024 Playoff semi final on Thursday against Israel.#afturáem pic.twitter.com/w1uPZJNrcZ
Athugasemdir
