Ljóst er að Jóhann Berg Guðmundsson, fyrirhugaður fyrirliði fyrir leikinn gegn Ísrael, verður ekki með í kvöld vegna meiðsla á læri.
Eðli málsins samkvæmt var hann í líklegu byrjunarliði Íslands í leiknum hér á Fótbolti.net.
Eðli málsins samkvæmt var hann í líklegu byrjunarliði Íslands í leiknum hér á Fótbolti.net.
Lestu um leikinn: Ísrael 1 - 4 Ísland
Líklegast er að annað hvort Hákon Arnar Haraldsson eða Ísak Bergmann Jóhannesson taki stöðu Jóhanns við hlið Arnórs Ingva Traustasonar á miðjunni.
Hákon var á kantinum í líklegu byrjunarliði hér á Fótbolta.net og ef hann færist inn á miðjuna er líklegast að Arnór Sigurðsson komi inn á kantinn en Jón Dagur Þorsteinsson gerir einnig sterkt tilkall.
Eins og fjallað var um í upphafi vikunnar er hörð samkeppni milli Kolbeins Finnssonar og Guðmundar Þórarinssonar um vinstri bakvarðarstöðuna og spurning hvor þeirra verður í byrjunarliðinu í leiknum í kvöld. Guðmundur byrjaði gegn Portúgal í síðasta leik og stóð sig vel og þar á undan hafði Kolbeinn staðið sig vel í liðinu.
Athugasemdir