Heimild: BBC
Hér að neðan má sjá allt helsta slúðrið úr enska boltanum í dag.
James Milner ætlar ekki að gera nýjan samning við Manchester City. Hann verður því samningslaus í sumar. (Sun)
Tottenham hefur áhuga á Bubacar Djalo, 18 ára miðjumanni Sporting Lisabon. Mörg félög vilja fá Djalo sem hefur verið kallaður nýr Paul POgba. (Daily Mirror)
Real Madrid er að íhuga að fá Radamel Falcao í sínar raðir í sumar. Falcao er í láni hjá Manchester United frá Monaco. (Daily Mail)
Leonardo Jardim, þjálfari Monaco, segir að United hafi ekki átt að fá Falcao til sín á láni síðastliðið sumar. (Sun)
WBA ætlar að fá kantmanninn Bakary Sako frítt frá Wolves í sumar. (Daily Mirror)
Joey Barton gæti farið á reiðistjórnunarnámskeið eftir rauða spjaldið gegn Hull um helgina. Það var níunda rauða spjald hans á ferlinum. (Daily Telegraph)
Roberto Martinez, stjóri Everton, hefur ásakað Chelsea um að reyna að hafa áhrif á dómara í leikjum á Stamford Bridge. (Times)
Brendan Rodgers, stjóri Liverpool, hefur gagnrýnt Southampton fyrir að minnast ekki orði á Adam Lallana og Rickie Lambert í leikskránni fyrir leik liðanna í gær. (Daily Mail)
Vincent Kompany, fyrirliði Manchester City, segir að það geti tekið meira á að leika gegn liðum eins og Stoke heldur en Barcelona. Kompany og félagar mæta Barcelona í Meistaradeildinni annað kvöld. (Daily Star)
Athugasemdir