Það eru fjórir leikir að fara í gang í ensku úrvalsdeildinni klukkan 15:00 og byrjunarliðin fyrir þá leiki eru klöppuð og klár. Það er hægt að sjá þau öll hér að neðan.

Sjónvarspleikurinn er leikur Liverpool og Sunderland, en Liverpool getur komist á toppinn með sigri. Byrjunarlið Liverpool er óbreytt frá markalausa jafnteflinu gegn Southampton um síðustu helgi, en það er enginn Daniel Sturridge á bekknum vegna meiðsla.

Gylfi Þór Sigurðsson er svo að sjálfsögðu í byrjunarliðinu hjá Swansea sem mætir Crystal Palace í sannkölluðum sex stiga leik á eftir. Bæði lið eru í botnbaráttu og þurfa nauðsynlega á þremur stigum að halda.

Hér að neðan má eins og áður segir sjá öll byrjunarliðin, en auk þeirra leikja sem voru nefndir þá mæta Englandsmeistarar Leicester City, Middlesbrough og Hull City og West Brom eigast við.