Fótbolti.net

Tindastóll nældi í fyrsta stigið gegn Val - „Stórkostlegur árangur"

Elías Rafn: Sexí varsla frá McTominay

Albert um framtíðina: 15. júní tekur Fiorentina ákvörðun

Gulli vorkenndi markmanni Skota - „Gaf okkur blóð á tennurnar"

Þögguðu niður í skosku stuðningsmönnunum - „Verðum að hætta hugsa um okkur sem litla liðið"

Andri Lucas: Þýðir ekkert annað en að vera bara leiðinlegur til baka

1 á 1 mót Fótbolti.net og Adams Páls 17.júní - Prettyboitjokkó og Nadía Atladóttir skrá sig til leiks

Ívar Ingimars: Veit að við eigum miklu meira inni heldur en þetta

Gylfi Tryggva: Erum ekki að pæla mikið í töflunni

Willum: Munum sjá Birmingham í úrvalsdeildinni á innan við fimm árum

Logi á leið til Tyrklands - „Ógeðslega spennandi skref“

Hörður Björgvin himinglaður - „Maður sá ekki til sólar og það var mjög dimmt yfir“

Gústi Gylfa: Þeir stjórnuðu þó ég hafi reynt að garga eitthvað bakvið tjöldin

Sigga fannst sínir menn litlir: Hef ekki svör, skil ekki frammistöðuna

„Mun halda áfram að gera allt sem ég get til þess að lyfta þessum klúbb á hærra level"

Gunnar Már: Það styttist í sigurinn

Jói B: Búinn að hóta þessu allt tímabilið

Óli Íshólm: Skemmtilegra að mæta í vinnuna og vera ekki í fílu allan daginn

Arnar Pálmi í sigurvímu: Ótrúlegt að hann fór inn

Selfoss hefur tapað fimm leikjum í röð: „Þetta er ærið verkefni“

þri 26. september 2017 15:40

Elvar Geir Magnússon

Efnilegastur 2017: Mikið þor hjá þjálfurunum að setja mig í liðið

Alex Þór Hauksson (Stjarnan)

Alex Þór í höfuðstöðvum Fótbolta.net í dag.

Mynd: Fótbolti.net - Hafliði Breiðfjörð

Alex í leik í Garðabænum.

Mynd: Fótbolti.net - Hafliði Breiðfjörð

Alex Þór Hauksson hefur verið í stóru hlutverki hjá Stjörnunni í sumar en þessi 17 ára strákur frá Álftanesi er efnilegasti leikmaður Pepsi-deildarinnar árið 2017 að mati Fótbolta.net.

„Þetta sumar hefur komið mér mjög á óvart. Ég bjóst ekki við að spila svona mikið svo ég er mjög sáttur við mitt sumar og mitt framlag til liðsins," segir Alex.

Alex hefur verið að spila sem djúpur miðjumaður en það er ekki algengt að strákar á hans aldri séu að spila þá stöðu í einu af bestu liðum landsins.

„Það er mikið þor hjá þjálfurunum að setja mig í liðið. Þetta hefur ekki verið mikið mál með toppmenn eins og Eyjó og Baldur við hlið mér. Þeir hafa hjálpað mér mikið í gegnum þetta og staðið við bakið á mér. Það eru allir mjög góðir vinir í klefanum."

Alex segist mikið hafa verið með eldri krökkum í fótbolta þegar hann var yngri og hann hafi lært mikið af því.

„Það þýddi ekkert að væla. Maður þurfti að harka af sér ef maður ætlaði að vera með."

Hver er erfiðasti andstæðingur sem hann hefur mætt í Pepsi-deildinni?

„Ég held að ég verði að gefa Steven Lennon það. Það er mjög erfitt að eiga við hann. Hann er mjög klókur leikmaður og góður."

Alex segir að atvinnumennskan sé að sjálfsögðu markmiðið en er ánægður hjá Stjörnunni og segist vel geta séð sig spila þar lengur. Hann gerir sér grein fyrir því að það sé mjög stórt fyrir sig að geta tekið þátt í Evrópuleikjum með Garðabæjarliðinu.

Stjarnan er örugg með Evrópusæti á næsta tímabili. Það varð ljóst á sunnudaginn, þrátt fyrir tap gegn Val.

„Það voru mjög blendnar tilfinningar eftir leikinn. Maður var svekktur með að hafa tapað en á sama tíma ánægður með að hafa tryggt Evrópusætið. Það gefur smá ró inn í vikuna þó við stefnum auðvitað á að taka annað sætið í deildinni," segir Alex.

Þess má geta að Alex var tólf ára gamall þegar hann spilaði sinn fyrsta meistaraflokk, það var með Álftanesi í þriðju deildinni.

„Annað hvort átti ég eða Magnús Valur Böðvarsson (betur þekktur sem Maggi Bö) að vera í hóp. Ég var valinn og fékk að sprikla í nokkrar mínútur. Ég held að Maggi hafi ekki verið sáttur. Hann hefur verið brjálaður yfir því að fá ekki að koma inn og setja hann. Þekktur markaskorari á Álftanesinu," segir Alex léttur.

Sjá einnig:
Böðvar Böðvarsson efnilegastur 2016
Oliver Sigurjónsson efnilegastur 2015
Aron Elís Þrándarson efnilegastur 2014
Hólmbert Friðjónsson efnilegastur 2013