Ruben Dias, leikmaður Manchester City, skrifaði í gær undir nýjan sex ára samning við félagið.
Dias hefur staðið sig með prýði í hjarta varnarinnar hjá Man City en hann kom til félagsins frá Benfica í fyrra.
John Stones og Dias voru öflugir í miðverðinum hjá Man City síðasta vetur og verða saman á þessu tímabili.
Samkvæmt the Mirror fékk Dias rosalega launahækkun með þessum samningi og tvöfaldaði launin.
Stjórnarmenn Man City voru gríðarlega hrifnir af Portúgalanum sem var á um 80 þúsund pundum á viku.
Portúgalski landsliðsmaðurinn fær nú 160 þúsund pund í vikulaun og ljóst að þar fær hann verðlaun fyrir góða frammistöðu.
Athugasemdir