Everton búið að semja við tvo leikmenn (Staðfest)

David Moyes stjóri Everton var fyrsti stjórinn í ensku úrvalsdeildinni til að nýta sér opinn félagsskiptaglugga í Evrópu í dag þegar hann samdi við tvo leikmenn. Hann gerði lánssamninga við bandaríska framherjann Brian McBride og Egyptan Ibrahim Said. McBride gerði þriggja mánaða lánssamning eða þar til bandaríska deildin hefst að nýju í apríl. Hann hefur áður leikið undir stjórn Moyes, þá hjá Preston. Said samdi til loka tímabilssins frá Al Ahly í Kaíró.