U19: Þurfa úrslitaleik eftir svekkjandi tap

Í dag spiluðu strákarnir svo við Finnland og var staðan markalaus allt þar til á lokamínútunum, þegar Finnar náðu að pota inn sigurmarki sem var afar svekkjandi fyrir Ísland.

Undanriðillinn er spilaður í Wales og komast þrjár þjóðir af fjórum áfram á lokastig undankeppninnar.

Ísland er, alveg eins og Wales, með eitt stig fyrir lokaumferðina. Innbyrðisviðureign þjóðanna verður því úrslitaleikur um áframhaldandi þátttöku í undankeppninni.

Finnar og Spánverjar berjast þá um toppsæti riðilsins, með fjögur stig á haus. Lokaumferðin verður spiluð á þriðjudaginn.