„Flottur leikur. Bæði lið ætluðu að klára þennan titil að sjálfsögðu," sagði Jón Sveinsson þjálfari Fram eftir að liðið varð Reykjavíkurmeistari eftir sigur á Víkingi í kvöld.
Lestu um leikinn: Víkingur R. 1 - 4 Fram
„Við byrjuðum seinni hálfleikinn mjög vel og nýttum okkar styrkleika á móti Víkingunum að komast á bakvið þá. Við vorum klaufar á endanum að skora ekki fleiri mörk."
„Eðlilega duttum við kannski aðeins niður eftir að við komumst í 2-1. Þeir setja pressu á okkur og missa svo leikmann útaf og þeir reyndu áfram að reyna setja pressu og það gaf okkur tækifæri á að klára leikinn en við þurftum að hafa fyrir því, Víkingarnir með frábært lið, það var ekkert í hendi einum manni fleiri og marki yfir," sagði Jón.
Viðtalið í heild sinni má sjá í spilaranum hér fyrir ofan.
Athugasemdir
