Roma vonast til að geta kynnt Georginio Wijnaldum sem nýjan leikmann félagsins áður en vináttuleikur gegn Shaktar Donetsk verður á sunnudag.
Il Corriere dello Sport segir að samkomulag við Paris Saint-Germain sé ekki í höfn en leikmaðurinn þurfi að gefa eftir bónusgreiðslur sem franska félagið skuldi honum til að hraða fyrir ferlinu,
Roma er að vinna í því að fá Wijnaldum lánaðan en vill ekki ganga að kröfum PSG um að Roma verði skyldugt til að kaupa leikmanninn alfarið eftir lánssamninginn.
Þá vill Roma að PSG sjái um að greiða um 50% af launum leikmannsins á lánstímanum.
Ár er síðan Georginio Wijnaldum gekk í raðir PSG á frjálsri sölu frá Liverpool.
Athugasemdir