Hvað er að vera 'Spursy'?

BBC fjallar um notkunina á orðinu 'Spursy' og segir að það eigi vel við úrslitin hjá Tottenham á undanförnu. Liðið vann meistarana í Manchester City 4-0, fékk á sig jafnteflismark í lokin gegn Roma og náði svo ekki að vinna Fulham. Mjög 'Spursy' vika.

Tottenham hefur skorað flest mörk allra liða í ensku úrvalsdeildinni, 28 mörk í 13 leikjum, en er samt sem áður í sjöunda sæti.

„Þetta er mjög pirrandi. Við fáum að sjá það á köflum hversu gott þetta lið er. Boltinn hjá Ange Postecoglou er áhættusækinn og stundum erum við verðlaunaðir. En svo sjáum við frammistöðu gegn botnliðum eins og Ipswich og Crystal Palace þar sem við töpum," segir Alison Speechly, stuðningsmaður Tottenham.